Um okkur

6 mánaða ábyrgð IcePhone tryggir að allar viðgerðir og varahlutir séu án frágangs- og framleiðslugalla í 6 mánuði eftir vöruafhendingardagsetningu.

Ef að varahlutur bilar þá skal tækinu skilað til IcePhone þjónustumiðstöðvar til greiningar.

Ábyrgð og kostnaður á því að flytja tækið leggst alfarið á viðskiptavin.

IcePhone mun greina vandamál varahlutsins og áskilur sér þann rétt að halda viðkomandi tæki til greiningar í allt að 7 daga frá þeim tímapunkti sem tækið kemur í hendur IcePhone.

Ef að varahluturinn reynist gallaður þá verður hann lagaður eða skipt út að kostnaðarlausu.

Ábyrgð IcePhone nær hinsvegar ekki til skemmda eða galla sem verða til vegna ákvarðanna og óhappa viðskiptarvinar.

Ábyrgð nær því ekki til slæmrar eða rangrar meðhöndlunar á vél- eða hugbúnaði tækisins til dæmis höggskemmda og vatnsskemmda.

Tækið fellur úr ábyrgð ef að einhver annar en IcePhone starfsmaður opnar tækið eða gerir tilraun til viðgerðar eða breytinga á tækinu.

IcePhone áskilur sér þann rétt til að ógilda ábyrgð ef að hugbúnaður tækisins er misnotaður.

Ábyrgðina er ekki hægt að millifæra á milli einstaklinga.

Skilmálar fyrir viðgerðir IcePhone ber ekki ábyrgð á óbeinu tjóni sem gæti orðið vegna viðgerðarferlisins til dæmis tíma-, tekju- eða gagnatap.

Tæki sem eru leigð til viðskiptavina eru algjörlega á ábyrgð þeirra.

Ef að leigutæki er ekki skilað eða er skilað með skemmdum verður leigjandi að greiða allan kostnað viðgerðar á leigutækinu eða kaupverði símans ef úrskurðað er að kostnaður viðgerðar sé hærri en kaup á nýju tæki.

Undir engum kringumstæðum getur skaðabótarskylda IcePhone verið hærri en kostnaðarverð tækisins.

Undirritaður veitir hér með samþykki sitt fyrir því að starfsmenn IcePhone ehf fái aðgang að síma, tölvu eða snjalltæki undirritaðs í þeim tilgangi að gera viðgerð á tækinu og prófa virkni viðgerðar.

IcePhone mun leggja sig fram við að klára viðgerðir á áætluðum tíma en getur ekki ábyrgt að viðgerðin verði kláruð tímanlega.

IcePhone ber ekki ábyrgð á seinkunum sem verða vegna utanaðkomandi þátta eins og seinkunum hjá birgðasala.

IcePhone áskilur sér þann rétt til þess að hafna viðgerð sem hefur verið pöntuð og í stað endurgreiða þann kostnað sem viðskiptavinur hefur borgað.

Ábyrgð framleiðanda Gera skal grein fyrir því að IcePhone er sjálfstæður þriðji aðili sem er ekki í samráði við neina framleiðendur.

Þjónusta hjá IcePhone getur ógilt tryggingar hjá framleiðendum og tryggingarfyrirtækjum.

IcePhone ber ekki ábyrgð á neinum tryggingum eða ábyrgðum sem hafa orðið ógildar eftir þjónustu hjá IcePhone.

Varahlutir Gera skal grein fyrir því að IcePhone er sjálfstæður þriðji aðili sem er ekki í samráði við neina framleiðendur varahluta, síma eða annars tölvubúnaðar.

IcePhone er því ekki alltaf með varahluti beint frá upphaflega framleiðanda tækisins.

Eftir framkvæmd viðgerðar þá verða skemmdu hlutirnir, sem IcePhone skipti út, að eign IcePhone.

Ábyrgð til að sækja tæki IcePhone gerir kröfu um að tæki séu sótt tímanlega eftir að viðgerð er lokið.

Ef að tæki eru ekki sótt 120 dögum frá því að viðskiptavini hafi verið tilkynnt að viðgerð sé lokið þá áskilur IcePhone þann rétt til að farga eða endurnýta viðkomandi tæki.

Hugbúnaður Ef að þjónusta hjá IcePhone felur í sér að setja upp hugbúnað til þess að greina eða laga tæki þá áskilur IcePhone þann rétt til að samþykkja skilmála forrita fyrir hönd eiganda tækisins.

Greiðsla fyrir þjónustu Greiða verður fyrir viðgerðir og þjónustu áður en að tæki er afhent aftur til viðskiptavinar.

Undantekning er gerð fyrir póstkröfur og reikningsviðskipti.

Í tilvikum þar sem þarf að panta sérvörur getur þurft að leggja inn óendurgreiðanlega færslu á bankareikning IcePhone áður en viðgerð hefst.

Vatnsskemmdagreining og móðurborðshreinsun Gera skal grein fyrir því að vegna eðli vatnsskemmda þá getur tæki sem kemur í vatnsskemmdagreiningu í virkandi ástandi ekki virkað eftir að greining er framkvæmd.

Vökvinn veldur ætingu og ryðgun á hlutum sem getur bælt virkni tækisins eftir sundurtekt og samsetningu.

Mælt er með því að taka öryggisafrit af innihaldi tækisins áður en það er fært til IcePhone í vatnsskemmdagreiningu.

IcePhone ber ekki ábyrgð á gagnatapi eða bældri virkni tækja eftir að greining er framkvæmd á tæki sem lent hefur í vatnsskemmdum.

Gera skal grein fyrir því að markmið vatnsskemmdaviðgerða er að laga ástand móðurborðsins en ekki annara hluta sem eru ekki innbyggðir í móðurborðið t.d. takka og rafhlaða.

Ef að þörf er á að skipta um aðra hluta tækisins þá er haft samband við viðskiptavin og gert grein fyrir aukalegum viðgerðum og uppfærðum kostnaði.

Enduruppsetning stýrikerfa Gera skal grein fyrir því að þegar framkvæmd er enduruppsetning stýrikerfis þarf viðskiptavinur að enduruppsetja öll forrit sem fylgja ekki með stýrikerfinu.

IcePhone getur ekki sett upp annað stýrikerfi heldur en það sem var á tölvunni nema viðskiptavinur komi sjálfur með löglegt eintak af öðru stýrikerfi.

Söfnun persónuupplýsinga Persónulegum gögnum eins og nöfnum og netföngum viðskiptavina er safnað fyrir innanússnotkun hjá IcePhone.

Gögnin eru notuð til þess að hafa samband við viðskiptavini í tengslum við viðgerðir sem þeir hafa pantað.

Engum gögnum er deilt með þriðja aðila, hinsvegar áskilur IcePhone sér þann rétt að nota vefpóstfang viðskiptavina sinna í markaðslegum tilgangi.

Samþykki fyrir úrvinnslu gagna er snýr að vinnslu í markaðslegum tilgangi getur viðskiptavinur afturkallað hvenær sem er.

Öryggismyndavélar eru til staðar í verslunum IcePhone til þess að vernda eignir IcePhone og viðskiptavina þeirra.

Aðgengi gagna á tækjum viðskiptavina.

Sem hluti af viðgerðarferlinu getur þurft að yfirfara ákveðna eiginleika tækisins eins og myndavél, hljóðupptöku og hátalara.

Til þess þarf að aflæsa tækinu og því eru viðskiptavinir beðnir um aðgangslykil tækisins.

Þetta er nauðsynlegt til þess að sjá hvort að viðgerðin hafi tekist.

IcePhone mun aldrei ganga að eða afrita gögn af tækjum viðskiptavina nema að viðskiptavinur biðji um það sérstaklega.

Öryggisafrit og endurheimtun gagna Gera skal grein fyrir því að myndun öryggisafrits gagna er á ábyrgð viðskiptavinar.

Í því tilviki að á meðan viðgerð fer fram er þörf á að endursetja tæki í verksmiðjustillingar þá mun IcePhone mynda öryggisafrit eins vel og hægt er.

Gagnatap Viðskiptavinur samþykkir að áður en tæki er afhent til IcePhone þá er það á ábyrgð viðskiptavinar að mynda öryggisafrit af öllum gögnum á tækinu.

IcePhone er undir engum kringumstæðum ábyrgt fyrir gagnatapi sem verður á tækjum og tölvum sem berast til IcePhone.